На текущий момент добавлено 823 книги.

Хотите предложить свою?

Предложить книгу!
Системы классификации: ББК и УДК;
Поиск по дисциплинам университета.

Книги

Аматематика аԥсышәала арцәажәара алагамҭа

Аматематика аԥсышәала арцәажәара алагамҭа

А.Ҳ. Чамагәуа
Изалшома аматематика аԥсуа бызшәала арцәажәара? Ари азҵаара аҭак аҟаҵара иазкуп аусумҭа.
Араҟа иаагоуп аматематика аҵакы шьҭызхуа, ҳбызшәа ианаалап ззуҳәартә иҟоу имаҷымкәа ажәа ҿыцқәа. Аусумҭа иаанарԥшуеит ҳбызшәа шбеиоу, аха иҵегь иҵауланы амаҭәартә бызшәақәа рганахь ала аҭҵаара шаҭаху.
Ашәҟәаҟны иарбоуп алгебра 5-ҭәи - 9-ҭәи аклассқәа рпрограмма иаҵанакуа. Ашьақәыргылашьеи амаҭәарҵаки реицааишьа убас еикәыршәоуп, рҵага шәҟәык аҳасаб ала аҵаҩцәеи арҵаҩцәеи рзы ахархәара алшартә, иара убасгьы аԥсуа бызшәа иазҿлымҳау рзы абызшәа даҽа ганкахьала иагәылаԥшыртә.
Азанааҭтә лексика ажәар

Азанааҭтә лексика ажәар

О.П. Ӡиӡариа (Ӡари-ица)
Ажәар иагәылоуп аҭаацәара, аҭаацәара алалара, амаҭәа, аҩнымаҭәа, амшын ус, аргылара, ачыс уҳәа ирыдҳәалоу алексемақәа реиԥш аԥстәқәеи, аԥсаатәқәеи, аҵлеи, ашәырҵлеи, аҵиааи уахь иналаҵаны рыхьӡқәа, иара убас аекономикатә, азиндырратә терминологиақәеи, ауаҩытәыҩса иԥсҭазаара ҳәаақәызҵо акультуратә, аҭоурыхтә, адинтә еилкаарақәеи.
Ажәар акыр ихәарҭахоит аԥсуаа рдоуҳатә культуреи, азанааҭтә лексикеи интересс измоу аԥхьаҩцәа зегьы
рзы.
Аԥсуа бызшәа ззымдыруа ирҵаразы аметодика (алагарҭатә етап)

Аԥсуа бызшәа ззымдыруа ирҵаразы аметодика (алагарҭатә етап)

А.Ш. Ажьиба
Арҵага шәҟәаҿы раԥхьыӡа акәны аус рыдулоуп афонетикеи, аинтонацией, алеқсикеи, аграмматикеи абызшәа ззымдыруа изнагашьызы аметодика. Хшыҩзышьҭра аҭоуп ажәаҳәа арҿиаразы аҳареи, ацәажәареи, аԥхьареи, аҩреи рҿы ихадоу ашьцыларақәеи алшарақәеи шышьақәырӷәӷәатәу.
Арҵага шәҟәаҿы иазааҭгылоуп аԥсуа бызшәа ззымдыруа ирҵараҿы хархәара зҭатәу аметодқәа, урҭ аметодқәа рҷыдарақәа, рҭоурых, иаҳзымдыруа абызшәақәа дырҵараҿы иахьатәи ҳаамҭазы ишьақәгылахьо арҵаратә ԥышәа, уи алҵшәақәа уҳәа убас егь.
Арҵага шәҟәы рхы иадырхәар рылшоит астудентцәа, аспирантцәа, арҵаҩцәа иара убас аԥсуа бызшәа ззымдыруа ирҵара иазку азҵаарақәа теориалеи прақтикалеи иҭызҵаауа зегьы.
Модальные аффиксы в глаголе абхазского языка (по данным всех абхазско-абазинских диалектов)

Модальные аффиксы в глаголе абхазского языка (по данным всех абхазско-абазинских диалектов)

З.Х. Авидзба
Предлагаемая читателю книга представляет собой издание диссертационной работы известного государственного деятеля и ученого, ректора Абхазского государственного университета (1984-1988) З.Х. Авидзба. Исследование публикуется впервые.
Книга рассчитана на лингвистов, преподавателей вузов и школ, студентов.
Аԥсуа бызшәа аҩышьаԥҟарақәа

Аԥсуа бызшәа аҩышьаԥҟарақәа

Н.В. Аршба, А.Џь. Хьециа, Л.Р. Ҳагба, Т.Хә. Ҳалбад, Л.П. Ҷкадуа, Ҭ.П. Шьаҟрыл
Аԥсуа литература аҿиара ианалага инаркны, аҭҵаарадырратә усзуҩцәа рҿаԥхьа иқәгылеит абызшәа анормақәа ирықәшәо аҩышьаԥҟарақәа раԥҵара азҵаара.
1933ш. иҭыҵит Д. И. Гәлиа еиқәиршәаз «Аԥсуа бызшәа иаазыркьаҿу аорфографиа». 1934-1935шш. рзы иҭыжьын А. К. Ҳашбеи В. И. Кәыкәбеи ари азҵаара иазкыз рыҭҵаамҭақәа. Аорфографиеи аграфикеи ирыдҳәаланы акырынтә акьыԥхь аҿы дықәгылеит К. С. Шьаҟрыл. Абарҭ апроблемақәа цәыргоуп А. М. Ҷоҷуа, К. С. Шьаҟрыл, Б. У. Шьынқәба, Хә. С. Бӷажәба еиқәдыршәаз ашколтә рҵага шәыҟәқәа рҿы.
1958 ш. иҭыҵит (1960 ш. еиҭаҭыжьын), уинахысгьы ахархәара зауз, акрызҵазкуа Хә. С. Бӷажәба «Аԥсуа орфографиа аԥҟарақәа» захьӡу иусумҭа.
1978 ш. Л. П. Ҷкадуа иҭлыжьит амонографиа, «Аԥсуа бызшәа апунктуациа» ҳәа хыс иаманы.
1981 ш. иҭыҵит Н. В. Аршба, Ҭ. П. Шьаҟрыл, Т. Хә. Ҳалбад, Л. П. Ҷкадуа ҳазлацәажәо апроблема иазку русумҭақәа реизга «Аԥсуа орфографиа аматериалқәа».
1997 ш. иҭыжьын Н. В. Аршба, Т. Хә. Ҳалбад, Л. Р. Ҳагба, Л. П. Ҷкадуа еиқәдыршәаз «Аԥсуа бызшәа аҩышьаԥҟарақәа».
2011 ш. ари аусумҭа рҽеины, ихарҭәааны еиҭаҭыжьын. Уи автортә еилазаара: Аршба Н. В. , Хьециа А. Џь. , Ҳагба Л. Р. , Ҷкадуа Л. П. , аҭакзыԥхықәу аҭҵаарадырратә редактор – Л. Р. Ҳагба.
2017 шықәсазы, ҿыц аус адуланы, ари аҭҵаамҭа еиҭаҭыжьын.
Ишәыдаагало аԥҟарақәа еиқәыршәоуп аԥсуа бызшәадырраҿы абри апроблема иазкны ицәырҵыз агәаанагарақәа азгәаҭаны, шьаҭас ирымоуп аҵыхәтәан зыӡбахә ҳәоу аизга аматериалқәа. Ҷыдала иазгәаҭатәуп А. Џь. Хьециа акырӡа иширҭбааз «Анбан дуқәа рҩышьа» иазку ахы. «Аԥхьаӡара хьыӡқәа рҩышьа» иазку ахәҭаҟны, урҭ ирыдҳәалоу ауадаҩрақәа хшыҩзышьҭра рыҭаны, аԥҟарақәа еиқәиршәеит агәынкыларазы еиҳа иманшәалоу апринцип ала.
Аусумҭа злашьақәгылоу ахәҭақәа: «Абжьыҟақәа рҩышьа апринципқәа», «Ацыбжьыҟақәа рҩышьа», «Ажәа аиагара аԥҟарақәа» (автор – афилологиатә ҭҵаарадыррақәа ркандидат Н. В. Арышԥҳа); «Анбан дуқәа рҩышьа», «Аԥхьаӡара хьыӡқәа рҩышьа» (авторцәа – афилологиатә ҭҵаарадыррақәа ркандидат Т. Хә. Ҳалбад, афилологиатә ҭҵаарадыррақәа ркандидат А. Џь. Хьециа); «Ацынгылақәа рҩышьа», «Ашьҭынгылақәа рҩышьа», «Абжьыҭҟьақәа рҩышьа», «Ахәҭаҷқәа рҩышьа», «Еиҭаҳәарала ишьақәгылоу ажәақәа рҩышьа» (авторцәа – афилологиатә ҭҵаарадыррақәа ркандидат, адоцент Ҭ. П. Шьаҟрылԥҳа, афилологиатә ҭҵаарадыррақәа рдоктор, апрофессор Л. Р. Ҳагԥҳа); «Аҟаҵарба аамҭатә, аркьынаатә формақәа рҩышьа», «Ахьыӡтә ажәеидҳәалақәа рҩышьа», «Апунктуациа» (автор – академик Л. П. Ҷкадуаԥҳа). Ахәҭақәа «Ахьыӡҟақәа рҩышьа», «Аҟазшьарбақәа рҩышьа» Т. Хә. Ҳалбад иусумҭақәа рыла акьыԥхь иазлырхиеит Л . Р. Ҳагԥҳа.
Аԥсуа литературатә бызшәа ажәлар зегьы ирзеиԥшу бызшәоуп. Уи еиҿкаазароуп еиҳа ииашоуп ҳәа иԥхьаӡоу, иҭышәынтәалахьоу анормақәа рыла.
Аҭыжьымҭа ҿыц хықәкыс иамоуп, итрадициатәу афонетикатә, алексика-семантикатә, аморфологиатә принципқәа ирықәныҟәаны, ажәақәа рҩышьаҿы иаҳԥыло авариантрацәара аԥыхра, абызшәа аҿиарамҩаҿы иааиԥмырҟьаӡакәа имҩаԥысуа апроцессқәа разгәаҭара.
Аԥсуа грамматика. Актәи атом

Аԥсуа грамматика. Актәи атом

Ш.Ҟ. Арсҭаа, Н.В. Аршба, Р.К. Гәыблиа, В.Ҳ. Конџьариа, Л.П. Ҷкадуа, Б.Гь. Џьонуа
Аԥсуа бызшәа ҭҵаарадырратә обиектны иҟалеит XIX ашәышықәса аҩбатәи азбжа инаркны. Аԥсуа бызшәадырра ашьақәгылара П. К. Услар ихьӡ иадҳәалоуп. Пиотр Карл-иԥа Услар занааҭла – арратә нџьныр, усурала – аурыс ар ринрал, усҟантәи аамҭазы алаҵәара ҭбаа зауз аиҿырԥшыра-ҭоурыхтә бызшәадырра иаԥнаҵаз атеориатә дыррақәеи аметодқәеи ибзиаӡаны издыруаз бызшәадырҩын. П. К.и Услар 1862 шықәсазы литографла иҭижьуеит «Аԥсуа бызшәа» ҳәа хыс измаз амонографиа. Убри ала иалагоит аԥсуа бызшәадырра1. Иахьагьы еиҳарак амч рыманы иҟоуп амонографиаҿы иаагоу абызшәатә материалқәа рквалификациа. 1912 шықәсазы Н. И. Марр инапхгаралеи иредакциалеи иҭыҵуеит П. Ҷараиа иусумҭа2. Уинахыс Н. И. Марр иҭҵаарадырратә интересқәа ирыхәҭакны иҟалеит аԥсуа бызшәагьы. Н. И. Марр аԥсуа бызшәа иазкны иҭижьуеит акымкәа аусумҭақәа. Убарҭ рахьынтә, ажәақәа рҳәашьа мыԥсахкәа, адиалекттә, ацәажәашьатә ҷыдарақәа рызныжьны алагалареи, аԥсуа ажәа аҵакы иазааигәоу аурыс аиҭагат азыԥшаареи рыла иалукаартә иҟоуп «Аԥсуа-аурыс жәар». Иара убас Н. И. Марр аԥсуа бызшәеи аԥсуаа рҭоурыхи ирызку, иахьагьы иактуалтәу аусумҭақәа дравторуп.
Введение в кавказское языкознание

Введение в кавказское языкознание

Г.А. Климов
В монографии обобщаются знания современной науки о кавказских языках, освещаются стоящие перед кавказоведением проблемы и обсуждаются пути их решения. Даны сжатые характеристики отдельных групп этих языков (с учетом их истории), а также рассмотрены проблемы их генетических, типологических и ареальных взаимоотношений.
Заимствованная лексика абхазского языка

Заимствованная лексика абхазского языка

Б.Г. Джонуа
Настоящая работа может рассматриваться как первый в абхазской лексикологии опыт систематического рассмотрения заимствованного фонда.
Разработка настоящей темы составляет одно из актуальных направлений современного абхазо-адыгского языкознания, поскольку ее проблематика до сих пор не получила удовлетворительного решения. Между тем, необходимость освещения ее вопросов (в частности установления общего объема и тематической характеристики заимствований, выявления соотношения пластов, хронологии и, наконец, принципов структурной адаптации) с необходимостью вытекает из современного состояния изучения абхазского языка.
Грамматика абхазского языка. Фонетика и морфология

Грамматика абхазского языка. Фонетика и морфология

Ш.К. Аристава, Х.С. Бгажба, М.М. Циколиа, Л.П. Чкадуа, К.С. Шакрыл
В предлагаемой грамматике дается более или менее полная характеристика фонетической системы и морфологического строя абхазского литературного языка с учетом достижений иберийско-кавказского языкознания за последние годы.
Избранные труды. Том II. Глагольное словообразование в абхазском языке

Избранные труды. Том II. Глагольное словообразование в абхазском языке

Л.П. Чкадуа
Предлагаемая работа представляет собой попытку дать по возможности полное описание глагольного словообразования абхазского языка, основанное на обобщении положений, представленных в специальной литературе, а также изложить свои наблюдения по той или иной словообразовательной категории, основанные на более углубленном анализе фактов языка.
Проблема простого предложения в абхазском языке

Проблема простого предложения в абхазском языке

Ш.К. Аристава
Книга посвящена проблеме главных членов предложения в абхазском языке. Используя описательный и экспериментальный, а в необходимых случаях – сравнительно-генетический и сравнительно-исторический методы, автор определяет структурно-предикативное ядро простого предложения, дает синтаксическую характеристику ядра и его компонентов, устанавливает виды, способы и характер синтаксической связи между компонентами структурного ядра и т. д.
Книга предназначена для преподавателей и студентов.
Морфология абхазского языка

Морфология абхазского языка

И.И. Шадури
В книге рассматриваются все граммемы и регулярные глагольные дериватемы абхазского литературного языка, а также способы их выражения. Дается краткий обзор основных средств образования имен и наречий. Особое внимание уделяется сочетаемости грамматических значений и взаимной встречаемости выражающих их морфем. Приложения содержат таблицы, отражающие линейные порядки глагольных аффиксов, и краткий абхазско-русский словарь, в котором глагольные лексемы сопровождаются грамматической информацией. Книга предназначается для студентов и ученых, занимающихся вопросами кавказского и типологического языкознания.
Русско-абхазский, абхазско-русский словарь компьютерных терминов.

Русско-абхазский, абхазско-русский словарь компьютерных терминов.

Б.Г. Джонуа, Х.И. Хварцкия
Настоящий “Русско-абхазский, абхазско-русский словарь компьютерных терминов” рассчитан на широкие круги читателей. В словаре использованы наиболее употребительные термины компьютерной лексики. Слова расположены в алфавитном порядке. Словарь объединяет около 5000 слов и словосочетаний. При переводе одинаковые или близкие по значению слова отделяются друг от друга запятой, а более долёкие по значению понятия – точка с запятой. В русской части словаря глаголы, которые используются в виде команд, даются и в форме каузатива (понудительного залога), напр.: аннулировать аныхра (ианыхтәуп), аԥыхра (иаԥыхтәуп).
Первый опыт системного перевода компьютерной лексики на абхазский язык проводился в АГУ, в Центре информционных технологий. Группа переводчиков, в составе: Ашуба А. Е., Джонуа Д.Б., Зантария Д.Ч., Какоба А.П, Хварцикия Х.И., Хеция А.Дж., Джонуа Б.Г. (руководитель), локализовали программу “Линукс”. Эти материалы, после переработки, так же вошли в состав этого словаря.
Словарь ни в коем мере не может претендовать на исчерпывающую полноту изложения, ибо впервые проводится работа такого масштаба.
Авторы с благодарностью примут все критические замечания, направленные на улучшение качества словаря.
Составители просят все замечания и предложения направлять по адресу, г. Сухум, ул. Аидгылара, 44 АбИГИ или г. Сухум, ул. Университетская, 1. АГУ.
Аԥсуа литературатә бызшәа аграмматика. Афонетика, афонологиа, ажәахырҿиаара, аморфологиа

Аԥсуа литературатә бызшәа аграмматика. Афонетика, афонологиа, ажәахырҿиаара, аморфологиа

Ш.Ҟ. Арсҭаа, Л.П. Ҷкадуа
Ари арҵага шәҟәы хықәкыс иамоуп аԥсуа литературатә бызшәа афонетикатә, афонологиатә, аморфологиатә структура аарԥшра. Ус анакәха, иааркьаҿӡаны икәзаргьы иахцәажәатәуп аԥсуа литературатә бызшәа иахьатәи аҭагылазаашьа.
Алитературатә бызшәа ажәлар рбызшәа иацәыхараны, иаҿагыло иҟам, аха уеизгьы иамоуп ахатә ҷыдарақәа. Убарҭ аҷыдарақәа рҟнытә ихадоу ҳәа иазгәаҭазар ҟалоит абарҭ:
1. Алитературатә бызшәа иамоуп иалацәажәо (иалаҩуа) зегьы еицырзеиԥшны рхы иадырхәо, зымԥсахуа, ишьақәыргылоу анормақәа.
2. Алитературатә бызшәа афонетикатә еилазаара абызшәа афонологиатә структурв нашьашәаланы иҟаҵоуп.
3. Норма ҳасабла ишьақәыргылоуп алитературатә бызшәа ажәартә еилазаара.
4. Алитературатә бызшәа еиднакыло ажәақәа рморфологиатә еилазаара инормаркны, аунификациа рзуны иҟоуп.
5. Алтературатә бызшәа иамоуп иара убас ахатәы синтаксистә нормақәа.
6. Иамоуп уи ахатә стильтә ҷыдарақәа.

Аҧсуа синтаксис

Аҧсуа синтаксис

Ш.Ҟ. Арсҭаа
Ахшыҩзцара аарԥшреи аинформациа азнагареи рзы абызшәа иамоу алшарақәеи амчхарақәеи зегьы асинтаксис аҟны еизгоуп.
Асинтаксис  обиект хадас иамоу аҳәоу ауп, аха аҳәоу асин таксистә еи лазаашьа адагьы, уи иамоуп алогикатә, аԥсихологиатә, асин таксистә уҳәа аструктурақәа.  Урҭ зегьы рышьхәа еивҵоуп, аха ирымоуп рхатә ҷыдарақәагьы, рхатә ҳәаақәа, рхатәы еилазаашьақәагьы. Иахьатәи абызшәа атеориаҿы урҭ рҳәаақәа, инагӡаны акәымзаргьы, ишьақәгылоуп. Даҽакала иаҳҳәозар, алогика ҭызҵаауа уи аҳәаақәа иахьалаго, иахьынҵәо идыруеит, аԥсихологиа ҭызҵаауагьы иара убас, асинтаксис ҭызҵаауа абызшәа асинтаксистә еилкаарақәа мҩашьарада идыруазароуп.
Иҟан аамҭа асинтаксиси, алогикеи, аԥсихологиеи уҳәа рҳәаа қәа анеилыргамыз. Усҟан асинтаксис ҭызҵаауа зны алогикахь даршәуан, даҽазных – аԥсихологиахь, аха иахьа, ишаҳҳәаз еиԥш, ус иҟам. Арҭ рҳәаақәеи рҷыдарақәеи реилыргара аҵарауаа аамҭа рацәаны ирцәақәӡит, аха аҵыхәтәаны џьара икылсит. Аурыс классикцәа Потебниа А.А., Фартунатов Ф.Ф., Шахматов А.А., Пешковски А.М., Виноградов В.В. уҳәа иқәдыргылон асинтаксис иадҳәалоу азҵаарақәа урҭ рҭакгьы усҟантәи аамҭа иахьынӡарылнаршоз ала иҟарҵон, аха иҵегь ихаҭәааны арҭ апроблемақәа рҭҵаара иацырҵеит абызшәатә теориа аструктурализм анышьақәгыла инаркны.
Абызшәа асинтаксис ҭызҵаауа асинтаксистә еилкаарақәа дрықәныҟәозароуп, урҭ шьаҭас иҟаиҵозароуп даҽаџьара дыг ҿамҳакәа. Усҟан алҵшәақәа еиҳа аҵабырг иазааигәахоит.
Ари аусумҭаҿы ҳара ҳрыхцәажәоит асинтаксис аобиектқәа: аҳәоуи (имариоуи еилоуи), ажәеидҳәалеи.
Аԥсуа орфографиа аԥҟарақуа

Аԥсуа орфографиа аԥҟарақуа

Х.С. Бӷажәба
Аорфография даҿакала иаҳҳәозар, аҩышьаԥҟара, краҵанак'уеит алитературатә (ашәҟуҩыратә) бызшәа арҿиаразы, арманшәаларазы. Аԥсуа литературатә бызшәа Асовет мчра ахаан ауп инарҭбааны аҿиара ианалага. Уи есааира аҿарҿеиуеит, аҿарбеиауеит аԥсуа жәлар ркультура азҳа-зыӷьара абзоурала. Аԥсуа литературатә бызшәа иҵегь арманшәаларазы, арҿиаразы ҷыдала игуцарактәуп аорфография, уи аԥҟарақуа шьақурыӷуӷуатәуп, ажәакала, ишьақургылатәуп зегьы ирзеиԥшу, зегьы зықуныҟуаша аҩышьаԥҟара.
Аҧсуа бызшәа асинтақсис

Аҧсуа бызшәа асинтақсис

Ш.Ҟ. Арсҭаа, Л.П. Ҷкадуа
«Аҧсуа бызшәа асинтақсис иааинырсланы иҩу шәҟәым. Уи хыҵхырҭақәасгьы, шьаҭасгьы иамоуп:
1. Авторцәа 1958 шықәса раахыс раҧхьа Аҟәатәи аҳәынҭқарратә пединститут, нас  ихьӡ зху А. М. Горки Аҧснытәи аҳәынҭқарратә университет аҟны изыҧхьоз алеқциақәа ркурс.
Ҳзыхцәажәо алеқциақәа ркурс абызшәа азеиҧш теориа аизҳазыҕьара, иара убас аҧсуа бызшәа наукала аҭҵаара алҵшәақәа ирықәыршәаны аҽаҧсахуан, ихаҭәаауан.
2. Арсҭаа Ш. К. имонографиа «Аҳәоу мариа апроблема аҧсуа бызшәаҿы». Ари анаукатә усумҭа автор аус адиулон 1960-тәи ашықәсқәа раахыс. Аусумҭаҿы иҭҵаауп аҳәоу мариа апроблема хадақәа: аҳәоу апредикативтә шьаҭа, уи акомпонентқәа, акомпонентқәа рыбжьара иҟоу асинтақсистә жәеибаркыратә хкқәа: аҳәоу апредикативтә шьаҭа аиҵыхра, ахарҭәааразы ахархәара змоу зҳәоу хәҭақәа; аинфиниттә еицааирақәа, нас урҭ иааныркыло аҭыҧ аҳәоу мариа аструқтураҿы; аҳәоу хкқәа модалтә ҵакылеи; хықәкытә ҵакылеи; аҳәоу апредикативтә шьаҭа ахархәараан уи аҩнуҵҟа имҩаҧысуа аҽыҧсахрақәа.
3. Еилоу аҳәоу нас апунқтуациа шьаҭас ирымоуп апрофсссор Л. П. Ҷкадуа лнаукатә-ҭҵааратә усумҭақәа «Еилоу аҳәоу», «Аҧсуа бызшәа апунқтуациа» уҳәа убас егьырҭгьы.
4. Иарбанзаалак абызшәаҿы аморфологиеи асинтақсиси рышьхәа ҕәҕәала еивҵоуп. Аҧсуа бызшәа асинтақсис аиқәыршәараҿы ацхыраара ҕәҕәа ҟанаҵеит аморфологиа азҵаара хадақәа инарҭбааны иахьҭҵаау. Ара ишьаҭанкыроу цхыраагӡаны иҟалеит еиҳарак академикцәа Қь. В. Ломҭаҭиӡеи А. С. Чикобавеи рнаукатә усумҭақәа.
5. Аҵыхәтәантәи ашықәсақәа  рзы абызшәа азеиҧш теориа уаҩы иааџьеишьаратә аизҳа-зыҕьара аиуит, ҕәҕәала иазҳаит, еинылеит асинтақсис атеориагьы. Ишьақәыргылахеит еиҳа иҵоураны асинтақсис амаҭәар, аморфологиатә категориақәеи асинтақсистә категориақәеи рҳәаақәа, аҳәоу марка  аҷыдара    хадақәа,   уи ахаҭәаара, аиҵыхра апроблема   хадақәа. Абри зегьы ахархәара аиуеит ашәҟәы аиқәыршәараан.
Ари арҵага шәҟәы ҩуп авторцәа еиқәдыршәаз ауниверситет афилологиатә факультет иазку «Иахьатәи аҧсуа бызшәа» акурс апрограмма иақәыршәаны.
Абри арҵага шәҟәи иазгәаҳҭаз апрограммеи шьаҭас иҟаҵаны еиқәыршәоуп иара убас аколлективтә усумҭа а-V-тәи а-IХ-тәи аклассқәа ирызку аҧсуа бызшәа апрограммеи арҵага шәыҟәқәеи.  Убри апрограмма иақәыршәаны иҭыжьуп 4-тәи акласс иазку аҧсуа бызшәа арҵага шәҟәы. Убри иабзоураны иахьа уажәраанӡа ашколи аиҳабыра-ҵареи рыбжьара аҧсуа бызшәа аҵараҿы иҟаз аивгарақәа аҧыххоит, ашкол арҵага шәҟәқәа аҧсуа бызшәа атеориа анаукатә қәҿиарақәа иамоу ирықәшәо иҟалеит. Ари даара қәҿиара шьахәны иҧхьаӡатәуп аҧсуа бызшәа аҵара аус аҟны.
Аҧсуа бызшәа асинтақсис ахәҭақәа: 1) Еилоу аҳәоу; 2) Атәым ажәаҳәа; 3) Апунқтуациа, насгьы абарҭ апараграфқәа: а) афразеологиатә жәеидҳәалақәа рыла иаарҧшу азҳәа: б) аҟаҵарба ахьыҧшратә формақәеи ацхыраагӡатә ҟаҵарбақәеи рыла ишьақәгылоу азҳәа; в) ахьыҧшратә-зкратә формақәеи ацхыраагӡатә ҟаҵарбақәеи рыла ишьақәгылоу азҳәа; г) аҳәаақәҵа, аҭагылазаашьа, еижәлантәу аҳәоу хәҭақәа, алагалақәеи абжьаргылақәеи злоу аҳәоуқәа, ахазырха; д) аиҿагыларатә-аиҕьшьаратә архьыҧшатә инфиниттә еицааирақәа уҳәа убас егьырҭ алкаақәагьы лҩит Л. П. Ҷкадуа.
Аусумҭа егьырҭ ахқәеи, ахәҭақәеи иҩит Арсҭаа Ш. К.