Владимир Анқуаб анҭыҵгьы ирдыруа аԥсуа поетцәа дреиуоуп. Уи иажәеинраалақуеи, ибалладақуеи, ипоемақуеи, иажәеинраалоу ироман "Абрыскьыли" рыла ихы ааирԥшит асахьаркыратә жәа дазҟазаны, ахуахуа анышәара ззымдыруа, акоммунист идеал лашақуа ирзышәаҳәо, аԥсадгьыл иапатриоту аӡә иакуны.
Владимир Анқуаб ипоезиатә рҿиамҭақуа инарываргыланы, иҭиҵаауеит аԥсуа сахьаркыратә литература ишьҭнах'уа еиуеиԥшым апроблемақуа. Абри ашәҟуы аҟны уи аԥсуа сахьаркыратә проза раԥхьатәи ашьаҿақуа (1918) инадыркны, 30 шықуса рыҩнуҵҟа изхысыз амҩа ҭҵаауа, дахцәажәоит. Иара убас Владимир Анқуаб дырзааҭгылоит акритикатә реализми асоциалисттә реализми рметодқуа аԥсуа проза аҿиараҿы иааныркыло аҭыԥқуагьы.
Ари ашәҟуы аҵаҩцәеи, астудентцәеи, арҵаҩцәеи рнаҩсангьы, аԥсуа литература абзиабаҩцәа зегьы рызгьы аинтерес зҵоу акоуп.