Аԥсуа новеллақуа. Акритикатә-еилкааратә очеркқуеи, астатиақуеи, арецензиақуеи

«Аԥсуа новеллақуа» автор Владимир Анқуаб изы раԥхьатәи шәҟууп, иара зызкыу аҳасабала, егьырҭ ипоетикатә еизгақуа иҭижьхьоу ирҿурԥшыр. Ашәҟу еиднакылоит еицырдыруа аԥсуа новеллист ду М. Лакрба иновеллақуа реилыргареи рыҭҵаареи ирызкыу акритикатә-еилкааратә очеркқуа, аԥсуа поетцәа И. Ҭарба, А. Џьонуа, Ш. Ҵәыџьба, К. Ломиа, Ш. ԥлиа уҳәа, убас ашәҟуҩҩцәа ԥыҭҩык рҩымҭақуа реилыргара иазкыу астатиақуеи арецензиақуеи. Ари ашәҟу цхыраагӡан иҟалар алшоит еиҳараӡак аҵаҩцәеи астудентцәеи рзы, аԥсуа шәҟуҩҩцәа рырҿиамҭақуа реилыргареи реилкаареи рҿы.