В.Б. Агрба
Афилологиатә ҭҵаарадыррақәа ркандидат, Д. И. Гәлиа ихьӡ зху Аԥсуаҭҵааратә институт аҭҵаарадырратә усзуҩ Владимир Агрба абри ишәҟәы еиднакылоит иҳаҩсыз ашәышықәса 60-тәи ашықәсқәа инадыркны иахьа уажәраанӡа иаԥиҵаз аԥсуа сахьаркыратә литература азҵаарақәеи алитература аиреи, ашьақәгылареи, аҿиареи рҿы ажәлар рҿаԥыцтә ҳәамҭақәа ррольи ирызкны ашәҟәқәеи, астатиақәеи, инеиҵыху аҭҵаамҭақәеи. Автор дрыхцәажәоит: Д. Гәлиа, Гь. Чачба, С. Ҷанба, М. Лакрба, Кь. Чачхалиа, Ш. Ҷкадуа, Ан. Аџьынџьал, М. Миқаиа, И. Аҳашба, Е. Ажьиба, Г. Сақаниа, Р. Лашәриа уҳәа убас иҵегьгьы ашәҟәыҩҩцәеи апоетцәеи рырҿиамҭақәа.
Ашәҟәы рхы иадырхәар рылшоит еиҳау аҵараиурҭақәеи абжьаратә школқәеи рҿы аԥсуа литературеи афольклори ирызҿлымҳау аҵаҩцәа, астудентцәа, арҵаҩцәа. Иара убас аинтерес аҵоуп, иднардыруа крыҟоуп ҳмилаҭ литература иазҿлымҳау зегьы рзы.
Б.А. Гәыргәлиа
Борис Гәыргәлиа ишәҟәы «Ҷиҷико Џьонуа. Арҿиаҩы имҩа уадаҩ» аҟны дрыхцәажәоит аҭаацәара ду аҵеи Ҷиҷико Џьонуа иԥсҭазааратәи ирҿиаратәи мҩақәа. Иара убас ашәҟәы автор иаҳирдыруеит апоет иҭаацәеи иуацәа ааигәақәеи. Ашәҟәы ҭыжьуп автор идунеи аниԥсах ашьҭахь. Араҟа зыӡбахә ҳәоу Ҷиҷико Џьонуа иҭаацәа, иуа-иҭахы иахьа рыԥсҭазааратә ҭагылазаашьақәа акыр рҽырыԥсаххьеит, иҟоуп зыԥсҭазаара иалҵхьоугьы. Убри аҟнытә аԥхьаҩ агәаҽанызаара иаҳҭоит: ашәҟәы изаҟаразаалак риашарак адгалам, автор ишиҩыз иҟоуп.
В.Д. Амаршан
Исторический роман известного абхазского поэта и прозаика, лауреата Государственной премии им. Д. И. Гулиа Виталия Амаршан «Апсха» («Царь Абхазии») повествует о героической жизни абхазского народа на рубеже VIII и IX веков. Тогда сложилось одно из самых могущественных государств того времени на всем Кавказе – Абхазское царство, во главе которого на протяжении 45 лет стоял его основатель, выдающийся государственный и политический деятель, талантливый стратег и полководец, великий абхазский царь Леон II.